گلینگ انه دیلیمزه اوقایلینگ و یازیلینگ

تورکمن دیل و ادبیات اوغریندا آلادا ادیان لر بیلن گورلاشئنگدا و یا اولرینگ گوررینگ لرینی اشدینگدا و یادا یازیغی لرنی اوقانگدا، کؤپلئنچ انه دیلیمیزینگ یادان چیقیب بارشینا اشاره ادیارلر. و انه دیلیمزا اونس بیرمگنی ایسله یارلر.

دوغردندا نأمشیب بیزینگ(ایران تورکمن لرنینگ) آرامیزدا تورکمن دیلینا یازماق و اوقاماق، بولمللشی یالی دال؟ البتأ، بوتین ییگیت لر ، آچیق پیکرادیان لر و اوقو جی لرمیز، گپ دا بولسا، انه دیلیمیزی ساقلامالی دییب اوز یورگداکی ایسلئک لرنی بیلدیریارلر، امما عملدا بولسا شول مهمی بیترمأگه هیچ اونس گؤرکه زمئیارلر . نأمه اوچین؟

بو سوراغینگ جوغابیندا کأن زاد آیدیپ بولجک، یونه اینگ کوپ آیدیلاجق جوغاپ شیله بولیپ بیلیار: هاوا، بیز اوز یوردمیزدا اوز انه دیلیمزا اوقی ماق حاقمیز یوق. امما بو دلیل دوغری دا بولسا همما زادی بیزا آچیقلاب بیریب بیلمه یار. بو جوغاپ ویادا شونگا منگزش جوغاپ لر دینگه حاقیقاتینگ یارسنی گؤرکوزیب بیلیار.

من هم شول یالی اینان یاردیم، هاوا، اینشالا بیر زمان گئلربوتین مکتب لردا، مدرسه لر دا و دانشکاه لردا تورکمنچه اوقیدیلر و شول زاماندا بیز تورکمنچه اوقیب، یاز یپ و پوزأرس دییاردیم. امما بو پیکر ینگ دوغرلیق قاتشقی دا بولسا عمل دا بریان میوه سی، تورکمن دیلنینگ دوشمانلرنینگ ایسله یان زادی دیر. حیدا آدم اوز انه دیلنا یازماق و اوقیماقنی بیر نأمعلیم گلجگا غوی مالیمی؟ شون یالی یارتی یتنه اومیت لر و پیکر لرینگ نتیجه سی مسأمعلیم. انه دیلیمزه یازماق و پوزماقی ادیل شوگونینگ اوزیندان باشلان یار، نه بیر نأمعلیم گلجکدن.

غئین دا بولسا، باشیندا یالینگیش لری کؤپ دا بولسا، اوننادا دویغی لرینگی و پیکرلرنینگی اوزدیلینگا دیمأگا و یازماقا باشلامالی دیر. یوقسام بیزینگ بال یالی سویجی تورکمن دیلیمزینگ اوستونا چانگ اوتورار و بیرنأچه اون یئلدان سونگرا تورکمن صحرادا تورکمن دیلی چانینگ آشاقیندا گوملیب اونودیلر. شو حاطرینگ اؤوینا گچمگ اوچین گلینگ شوگوندان انه دیلمیزا یازاماق و اوقی ماقنی باشلایلینگ
ر.الف.جانلی

منبع: تورکمن صحرا مدیا