مختومقلی پراغی
سلام‌لار و سئوگی‌لر!ر
سايين ديلداشلار اؤنجه‌ده سيزدن نئچه واخت بورادا يازماديغيما گؤره باغيش ديله‌ييره‌م، بيليره‌م کی عذريم موجه اولورسادا چتين باغيشلاماق اولار. اؤزوم هئچ بيلميره‌م دقيقا نئچه آی‌دير کی بو وب‌لاگدا هئچ نه يازماميشام آمما بونو سيزه دئييم کی وبلاگين پسوردو ياديمدان ائله چيخميشدی کی اونو اله گتيرمه‌گه ايميليمه باش ويرديم!ر
سایغیلی اوره‌ک‌داشلاریمیز چوخ یوبانماقدان سونرا باشیمیز آز - ماز خلوت اولوب و بیرده توفیق ال وئردی کی بیرده سیزی سلام‌لاییب بایرامینیزی قوتلو و یئنی ایلینیز موتلو اولسون دئیه‌م. بو بایرام گونلری بودا بیر بایراملیق بؤیوک عاریف مختومقلی فراغی‌دن سیزه.ر
جهان پیدا
گلسه نوروز عالمه رنگ قیلار جهان پیدا
ابرلر آواز ووروب داغ قیلار دومان پیدا
بی‌جان‌لار جانه گیریب ائدرلر دهان پیدا
گؤرمه‌دیگین گیاه‌لار گورونوب روان پیدا
ائدرلر حیواناتا هم سود و زیان پیدا
یئر اوزونه یاییلیب یوریرلر نهان پیدا
بو بسته‌دهان قوش‌لار قیلارلار زبان پیدا
چؤل طرفین برکیدیب در آچار سووا خرچنگ
زمین سبزه‌زار اولوب تنیندن آیریلار رنگ
جنبنده‌لر مست اولوب گویا ایچمیش عرق – بنگ
هر اشیانین اؤزونه اؤز آوازی اولوب گنگ
سبزه ایچره سنده‌واج یوز دیلده قیلیب آهنگ
زمین خضرپوش اولوب گول بیتیرمیش رنگارنگ
خروشه گلیب عالم قیلارلار فغان پیدا
سرور – صدالار بیرله جهان اوزو آباددیر
مغرور سرور اولما پایانی یوخ برباددیر
حق عشقینده زنده‌لر بیلین باقی حیات‌دیر
هر تن‌ده عشق اولماسا روز ازل ممات‌دیر
یاز اؤتونجه یئر گؤیو گوندن گونه زیاددیر
بیر حشر قیامت‌دیر بیر یوم عرصات‌دیر
دهر ایچره اولار هر دم جهان ایچره جان پیدا
زربافه ذوقین اولما بقاء یوخدور دولت‌ده
عمرونو باده وئرمه سن بود دار محنت‌ده
یئته‌ر سنه ایر و گئج نه یازیلسا قسمتده
جانینا جفا ائیلیب بونجا گزمه حسرت‌ده
ثواب یاخشی عمل‌ده یا خود یاخشی نیت‌ده
عالم وارجا خدمتده آدم یاتیب غفلتده
حاصلین آتش اولار ائیله‌سن یامان پیدا
مختومقولو آغلارام بو بخت سیاهیمدن
قورخارام جان آفتی قول – آیاق گواهیمده‌ن
اومیدیم حاصل اولماز بو عمر تباهیمدن
جان اویدو جسد ایچره بو آتش آهیمدن
الیم سویونوب دیله‌ره‌م حاجتیم الاهیمدن
بنده‌یه‌م اومیدیم چوخ اول کرم‌لی شاهیم‌دن
ائیله‌گیل خارستاندا گول کیمی ایمان پیدا
نوشته شده در ساعت 3:8 توسط فتح الله ذوقي
0 نظر:
ارسال یک نظر
اشتراک در نظرات پیام [Atom]
<< صفحهٔ اصلی